రచన: గవిడి శ్రీనివాస్
నీ చిరునవ్వు పవనమే
కష్టాల కడలి నుంచీ
చేతులిచ్చీ ఎత్తుకుని
మలయమారుతం వైపు
నన్ను లాక్కుపోతుంది .
నీ చూపుల దీవెనే
ఊహలకు రెక్కలిచ్చి
భావ సోయగాల మధ్య
బందీని చేసింది.
దొండ పండులా
మెరిసే నీ పెదవుల్ని
చిలకలా కోరకడానికి
ఉరికి నపుడల్లా
మంచు వర్షం
నా గుండెల్లో
కురుస్తూనే వుంది .
నీ పాద పద్మాల్ని
చుంబించి నపుడల్లా
వెన్నెల సెలయేళ్ళు
నాపై జాలువారుతున్నాయి.
ఊపిరి సలపని
నీ బిగి కౌగిట
నలిగిన నాల్గు క్షణాలు
స్వర్గపు దారుల్లో
పూల పరిమళాలు
వీస్తూనే వున్నాయి.
నీ చూపుల దీవేనలో
నీ మనసు గెలిచిన సమయాన
అమృత ఫలాలు
ముద్దులాడుతూనే వున్నాయి.
====================