ఫీల్ గుడ్ మీడియా..

రచన: జి.ఎస్.లక్ష్మి

మన నట్టింట్లో తిష్టవేసి, మనలను వినోదింప చేయవలసిన టీవీతో మనలో చాలామంది అనుభవిస్తున్న నిత్య సంఘర్షణ అందరికీ తెలిసినదే.
వేలకువేలు పెట్టి టీవీలు కొంటున్నాం. ప్రతినెలా వందలకి వందలు కేబుల్ కనెక్షన్ కి కడుతున్నాం. దానివల్ల యింట్లో మనము కోరుకున్న ప్రసారాలు వస్తున్నాయా? ఈమధ్య ఈ ప్రశ్న చాలామందిని వేధిస్తోంది.
రోజురోజుకీ సమాజపు విలువలను దిగజారుస్తున్న టీవీ కార్యక్రమాలపై ప్రేక్షకులు చాలామంది అసహనం వ్యక్తం చేస్తున్నారు. కుటుంబమంతా కూర్చుని చూసే ఆ కార్యక్రమాలకి ఒక ప్రామాణికత వుండాలని కోరుకుంటున్నారు. అలాంటివారందరూ కలిసి ఒక సమూహంగా యేర్పడినదే ఈ “ఫీల్ గుడ్ మీడియా” గ్రూప్.
2017 మార్చిలో మొదలుపెట్టిన ఈ గ్రూప్ కి చక్కటి స్పందన వచ్చింది. రెండునెలలలోపే వేయిమందికి పైగా సభ్యులు చేరారంటే ఈ సమస్య గురించి అందరూ ఆలోచిస్తున్నారని తెలుస్తోంది. అందుకనే అడ్మిన్స్ అసలు ప్రేక్షకులకు ఎటువంటి కార్యక్రమాలు కోరుకుంటున్నారోననే ఉద్దేశ్యంతో ఏప్రిల్ నెలలో ఒక సర్వే నిర్వహించారు. చాలామంది యెంతో ఉత్సాహంతో ఆ ప్రశ్నావళిని పూర్తిచేసారు.
టీవీ లో వచ్చే కార్యక్రమాలు యెలా వుంటే బాగుంటాయో, వాటి ప్రామాణికతను పెంచుకుందుకు యెటువంటి పనులు చేయాలో సభ్యులందరూ వారి వారి అభిప్రాయాలను ఈ గ్రూప్ లో స్పష్టంగా తెలిపారు.
అంతేకాక మే21. 2017 న గ్రూప్ సభ్యులతో మొట్టమొదటి సమావేశం జరిగింది. హైద్రాబాదు లో శివమ్ రోడ్ లోని cess రీడింగ్ రూమ్ లో జరిగిన ఈ సమావేశానికి జి.ఎస్.లక్ష్మీ, మాలతి, కనకదుర్గ, పి.ఎస్.ఎం.లక్ష్మీ, ఏలేశ్వరపు కనకదుర్గ, రాజ్యలక్ష్మి, కేశవరావు గారు, శైలజ హాజరయ్యారు..
ఆ సమావేశంలో గ్రూప్ అడ్మిన్ అయిన G.S.Lakshmi గారు మాట్లాడుతూ Feel Good Media గ్రూప్ మొదలు పెట్టటానికి దారి తీసిన పరిస్థితులు వివరించారు. ఎవరికి వారం మేము తెలుగు చానెల్స్ చూడము, మాకు ఇబ్బంది లేదు అనుకోవడం కాదు. సమాజంలో T.V. లో వచ్చే సీరియల్స్ మరియు రియాలిటీ షోస్ ల చెడు ప్రభావం గురించి అవగాహన ఉన్న వారు ఆలోచించవలసిన అవసరం ఉందన్నారు.
ఇంకొక అడ్మిన్ అయిన మాలతి గారు మాట్లాడుతూ సమాజనికి మన బాధ్యతగా మంచి చెయ్యాలని Feel Good Media ప్రయత్నిస్తుంది అన్నారు. T.V. లో వచ్చే చిన్న పిల్లల షో ల లో వుండే అనారోగ్యకరమైన పోటీ వలన వారి కి ఎమోషనల్ గా మంచిది కాదు అని అన్నారు.
T.V ఛానెల్స్ వలన చాలా మంది కి జీవనోపాధి కలుగుతున్న మాట నిజమే అయినా,TV చాలా పవర్ ఫుల్ మీడియాగా మారిందని, దాని యొక్క ప్రభావం, ముఖ్యముగా యువత మీద చాలా ఉందని ఆవిడ చెప్పారు
జొన్నలగడ్డ కనకదుర్గ మాట్లాడుతూ, చిన్న గ్రూపులు గా ఏర్పడి కాలనీలలో T.V. లో వచ్చే ప్రోగ్రామ్స్ గురించి అవగాహన ఏర్పరచాలని అన్నారు.
ఇంట్లో ఉండే పెద్దవారు వేరే ఏమి కాలక్షేపం లేక ఒంటరితనం దూరం చేసుకోవటానికి T.V. చూస్తారని…అందుకని వారికి, పిల్లలకి constructive activities లో engage చేయవలసిన బాధ్యత ఇంట్లో వాళ్లకి ఉందని చెప్పారు.
TV లో సెన్సార్ తో పాటు ప్రోగ్రామ్స్ కి censor certification వుంటే బాగుంటుంది అని కూడా ఆవిడ సూచించారు.
శైలజ విస్సాంసెట్టి మాట్లాడుతూ చిన్నపిల్లలు చేసే డాన్స్ ప్రోగ్రామ్స్ లో వాళ్ళతో చేయించే విన్యాసాల వల్ల వారు శారీరకంగా, మానసికంగా బాధపడే అవకాశం ఉంది అన్నారు..మహిళలు, కాలేజ్ స్టూడెంట్స్ T.V. కి targeted audience అని… Serials లో చూపించే విలనీలు ,కుతంత్రాల తో లీనమై వారిని ఆ స్థానంలో ఊహించుకునే అవకాశం ఉంది అన్నారు ఆవిడ. ఒక మంచి మార్పు కోసం ఏర్పడిన Feel Good Media గ్రూప్ ఒక ఒక బిందువు చేరి సంద్రం లాగా మారాలని ఆవిడ ఆకాంక్షించారు.
కేశవరావు గారు మాట్లాడుతూ రిటైర్ అయిన వారికి T.V. బాగా కాలక్షేపం గా ఉంటుందని అన్నారు. ఆయన ఎక్కువ భక్తి ఛానెల్స్ చూస్తారని.. ఏదైనా పండుగలు, ఉత్సవాలు లాంటివి జరిగినప్పుడు ప్రత్యక్షంగా చూడలేని వారు ఈ భక్తి చానెల్స్ లో డైరెక్టుగా చూసే అవకాశం కలుగుతుంది అన్నారు. పాడుతా తీయగా లాంటి మంచి ప్రోగ్రామ్స్ వలన చాలా మందికి మంచి జరుగుతుంది అన్నారు.
రాజ్యలక్ష్మి గారు మాట్లాడుతూ ఇంట్లో రెండు T.V. లు ,రెండు డిష్ కనెక్షన్ లు పెట్టుకుని, యు ట్యూబ్ చానెల్స్ చూస్తున్నామని అన్నారు. సీరియల్స్ లో కుతంత్రాలు, హిందు ధర్మాలు విరుద్ధముగా తాంత్రిక సీరియల్ ప్రతి ఛానల్ లోను ఆనవాయితీ గా మారిందనీ, రియాలిటీ షోస్ వెకిలిగా ఉన్నాయి అని అన్నారు.
యేలేశ్వరపు కనకదుర్గగారు మాట్లాడుతూ పిల్లలకు ,పెద్దలకు అపార్ట్మెంట్ కల్చర్ వచ్చాక కాలక్షేపానికి వేరే దారి లేక. T.V. చూడడమే ప్రధాన కాలక్షేపం అయింది అంటూ, మన టీవీ ప్రోగ్రామ్స్ లో ఇంకా పరిణితి రావలసి వుంది అని చెప్పారు.
పి.ఎస్.ఎమ్.లక్ష్మీ గారు మాట్లాడుతూ చదువుకున్నతల్లితండ్రులున్న పిల్లలకి యేది మంచో, యేది చెడో తెలుస్తుంది… చదువురానివాళ్ళకి ఆ విచారణ వుండదు అన్నారు. ప్రభుత్వం తరపున టీవీ లో వచ్చే ప్రోగ్రామ్స్ కి తగు guidelines మరియు censor ఉండడం చాలా అవసరం అని. అందుకు తగిన కృషి చేయవలసిన అవసరం ఉంది అన్నారు.
ఈ సమావేశం లో అందరూ కలిసి తీర్మానించినదేమంటే..
1. నెలకి ఒకసారి అందరూ కలుసుకొని ఈ విషయమై చర్చలు జరపడం.
2. చిన్న చిన్న స్కిట్స్ మరియు నాటికలు. -మన సంస్కృతి ,సంప్రదాయాలు మరియు మంచి హాస్యంతో కూడినవి మన సభ్యులలో ఉన్న రచయిత్రులు, రచయితలు రాయగా, వాటిని అడియో, వీడియో కార్యక్రమాలుగా రూపొందించడం..
3. ప్రభుత్వ పరంగా టీవీ చానల్స్ పై సెన్సార్ గురించి ప్రయత్నం చేయడం.

కుటుంబంలో విలువలు నిలబడితేనే సమాజం బాగుంటుంది. అటువంటి సమాజ నిర్మాణానికై బాధ్యతగల పౌరులుగా అందరినీ కలిసి రమ్మని ఈ ఫీల్ గుడ్ మీడియా కోరుకుంటోంది.

1 thought on “ఫీల్ గుడ్ మీడియా..

  1. అవును మీరన్నది నిజం.ఇలాంటివి చాలా అవసరం ఆల్ ద బెస్ట్.

Leave a Comment