March 19, 2024

చందమామ పాటలు – 2

చందమామ రావె.. జాబిల్లి రావె అంటూ బిడ్డను చంకనెత్తుకొని తల్లులు గోరుముద్దలు తినిపించే సన్నివేశాలు కనిపించేవి ఒకప్పుడు.ఏ సాంకేతిక ఆటవస్తువులు, ఉపకరణాలు లేని రోజుల్లో నింగిలో మెరిసే చందమామే ఆటవస్తువు. చందమామను అద్దంలో చూపేవరకూ బాల రాముడు పాలబువ్వ తినేవాడు కాదనీ పురాణాల్లోను, పుస్తకాల్లోనూ చదువుకున్నాం. ఒకప్పుడు తెలుగు సినిమాల్లో తరచుగానే సందర్భానుగుణంగా చందమామను చూపించే సన్నివేశాలు ఉండేవి. ఇప్పుడూవున్నా -అప్పుడప్పుడనే చెప్పాలి. నిజానికి దక్షిణాదిన రూపుదిద్దుకున్న అనేక సినిమాల్లో చందమామ కూడా ఒక పాత్రధారే. అమ్మ గోరుముద్దలు పెట్టడానికే కాదు, ప్రణయ గాధలు చెప్పడానికి, ప్రేమ బాధలు చెప్పుకోవడానికి, నాయకా నాయికల గుణగణాలో, అందాలో వర్ణించడానికి.. ఇలా స్క్రీన్‌మీద చందమామ ఎప్పుడూ ముడిసరుకే.

1. పున్నమి వెన్నెల వెలుగులలో ఆ చందమామ కంటే ఆత్మీయుడైన స్నేహితుడు ఉంటాడా..

చందమామ రావే జాబిల్లి రావే
కొండెక్కి రావే గోగుపూలు తేవే…
చందమామ రావే జాబిల్లి రావే
కొండెక్కి రావే గోగుపూలు తేవే…
చందమామ రావే జాబిల్లి రావే

చలువ చందనములు పూయ చందమామ రావే
జాజిపూల తావినీయ జాబిల్లి రావే
చలువ చందనములు పూయ చందమామ రావే
జాజిపూల తావినీయ జాబిల్లి రావే
కలువ చెలువ కలలు విరియ కొండనెక్కి రావే
కలువ చెలువ కలలు విరియ కొండనెక్కి రావే
గగనపు విరితోటలోని గోగుపూలు తేవే…

చందమామ రావే జాబిల్లి రావే
కొండెక్కి రావే గోగుపూలు తేవే…
చందమామ రావే జాబిల్లి రావే

మునిజన మానస మోహిని యోగిని బృందావనం
మురళీ రవళికి ఆడిన నాగిని బృందావనం
మునిజన మానస మోహిని యోగిని బృందావనం
మురళీ రవళికి ఆడిన నాగిని బృందావనం
రాధా మాధవ గాధల రంజిలు బృందావనం
గోపాలుని మృదుపద మంజీరము బృందావనం
గోపాలుని మృదుపద మంజీరము బృందావనం
బృందావనం బృందావనం
హే కృష్ణా ముకుందా మురారీ
కృష్ణా ముకుందా మురారీ..
జయ కృష్ణా ముకుందా మురారీ
జయ జయ కృష్ణా ముకుందా మురారీ

చందమామ రావే జాబిల్లి రావే
కొండెక్కి రావే గోగుపూలు తేవే…
చందమామ రావే జాబిల్లి రావే

2. చాలా కాలం తర్వాత మనసుకు నచ్చిన చెలికాడు వస్తున్నాడన్న సంతోషంలో ఆ కన్య తన ముచ్చట్లన్నీ చంద్రుడితో చెప్పుకుంటుంది.

వస్తాడు నా రాజు ఈ రోజు.. రానే వస్తాడు నెలరాజు ఈ రోజు
కార్తీకపున్నమి వేళలోన.. కలికి వెన్నెల కెరటాలపైన
కార్తీకపున్నమి వేళలోన.. కలికి వెన్నెల కెరటాలపైన
తేలివస్తాడు నా రాజు ఈ రోజు

వేలతారకల నయనాలతో.. నీలాకాశం తిలకించేను
వేలతారకల నయనాలతో.. నీలాకాశం తిలకించేను
అతని చల్లని అడుగుల సవ్వడి వీచే గాలి వినిపించేను

ఆతని పావన పాదధూళికై.. అవని అణువణువు కలవరించేను
అతని రాకకై అంతరంగమే.. పాలసంద్రమై పరవశించేను… పాలసంద్రమై పరవశించేను
వస్తాడు నా రాజు ఈ రోజు.. రానే వస్తాడు నెలరాజు ఈ రోజు

వెన్నెలలెంతగా విరిసినగానీ చంద్రుణ్ణీ విడిపోలేవు
కెరటాలెంతగా పొంగినగానీ కడలిని విడిపోలేవు
కలసిన ఆత్మల అనుబంధాలు.. ఏ జన్మకు విడిపోలేవులే

తనువులు వేరైనా.. దారులు వేరైనా
తనువులు వేరైనా.. దారులు వేరైనా
ఆ బంధాలే నిలిచేనులే.. ఆ బంధాలే నిలిచేనులే
వస్తాడు నా రాజు ఈ రోజు.. రానే వస్తాడు నెలరాజు ఈ రోజు
కార్తీకపున్నమి వేళలోన.. కలికి వెన్నెల కెరటాలపైన
వస్తాడు నా రాజు ఈ రోజు

3. తమను వీడి కనపడకుండా పోయిన తండ్రిని, అన్నను వెతుక్కుంటూ పట్నం వచ్చిన చిన్నారుల చందమామనే సాయం కోరుతున్నారు.

చక్కనయ్యా చందమామా ఎక్కడున్నావూ
నీవు లేక దిక్కులేని చుక్కలైనామూ
చక్కనయ్యా చందమామా ఎక్కడున్నావూ
నీవు లేక దిక్కులేని చుక్కలైనామూ

మొన్న పున్నమి రాతిరి నీవొడిని నిద్దురపోతిమి
మొన్న పున్నమి రాతిరి నీవొడిని నిద్దురపోతిమి
తెల్లవారి లేచి చూచి తెల్లబోయ్యామూ.. గొల్లుమన్నాము

చక్కనయ్యా చందమామా ఎక్కడున్నావూ
నీవు లేక దిక్కులేని చుక్కలైనామూ

మబ్బు మబ్బు మాటున ఈ మసక చీకటి చాటున
మబ్బు మబ్బు మాటున ఈ మసక చీకటి చాటున ..
బిక్కు బిక్కున దిక్కులన్నీ తిరుగుతున్నామూ..
వెతుకుతున్నామూ

చక్కనయ్యా చందమామా ఎక్కడున్నావూ
నీవు లేక దిక్కులేని చుక్కలైనామూ

దారి తప్పి పోతివో నీ వారి సంగతి మరచినావో
దారి తప్పి పోతివో నీ వారి సంగతి మరచినావో
ఏ రాణి వాసములోన చేరి రాజువై నావో..
రాలేకవున్నావో…

చక్కనయ్యా చందమామా ఎక్కడున్నావూ
నీవు లేక దిక్కులేని చుక్కలైనామూ

4. కొత్తగా పెళ్లైన జంటకి తొలిరేయి తోడుగా ఉండేది ఆ చందురూడే.

మల్లె పందిరి నీడలోన జాబిల్లి మంచమేసి ఉంచినాను జాబిల్లి
మల్లె పందిరి నీడలోన జాబిల్లి మంచమేసి ఉంచినాను జాబిల్లి
మా అన్నకు మా చంద్రికి ఇది తొలి రేయి నాకిది వరమోయి ఈ
కళ్ళుకుట్టి వెళ్ళకోయి జాబిల్లి తెల్లవారనీయకోయి ఈ రేయి

గడుసు పిల్లకు వయసు నేడే గురుతుకొచ్చిందీ ఈ
మొరటువాని మనసు దానికి పులకరించిందీ ఈ
గడుసుపిల్లకు వయసు నేడే గురుతుకొచ్చిందీ ఈ
మొరటువాని మనసు దానికి పులకరించిందీ ఈ
ఇద్దరికీ ఈనాడు నువ్వే ముద్దు నేర్పాలి
ఆ ముద్దు చూసి చుక్కలే నిను వెక్కిరించాలి
కళ్ళు కుట్టి వెళ్ళకోయి జాబిల్లి తెల్లవార నీయకోయి ఈ రేయి

పెళ్ళి సంబరమెన్నడెరుగని ఇల్లు నాదీ ఈ
పసుపుతాడే నోచుకోని బ్రతుకు నాదీ ఈ
పెళ్లి సంబరమెన్నడెరుగని ఇల్లు నాదీ ఈ
పసుపు తాడే నోచుకోని బ్రతుకు నాదీ ఈ
ఈ పెళ్ళి చూసి నేను కూడా ముత్తైదువైనాను
ఈ పుణ్ణెమే పై జన్మలో నను ఇల్లాలిని చేయాలి
మల్లె పందిరి నీడలోన జాబిల్లి మంచమేసి ఉంచినాను జాబిల్లి
మా అన్నకు మా చంద్రికి ఇది తొలి రేయి నాకిది వరమోయి ఈ
కళ్ళుకుట్టి వెళ్ళకోయి జాబిల్లి తెల్లవారనీయకోయి ఈ రేయి
ఊహూ ఊహూ ఊహూ ఊహూ ఊహూ ఊహూ ఊహూ ఊహూ

5. ఏడ్చే పిల్లవాడు కూడా చందమామను చూపించినా, పాట పాడినా టక్కున ఊరుకుంటాడట.

మామా… చందమామా
వినరావా…నా కథ
మామా చందమామా
వినరావా నా కథ
వింటే మనసు ఉంటే
కలిసేవూ నా జత
మామా…చందమామా

నీ రూపము ఒక దీపము
గతిలేని పేదకు…”2″

నీ కళలే సాటిలేని పాఠాలు ప్రేమకు
నువు లేక నువు రాక
విడలేవు కలువలు…
జాబిల్లి నీ హాయి పాపలకు జోలలు….

మింటిపైన నీవు ఓంటిగాడివై
అందరికీ వెన్నెల పంచ
రేయంత తిరగాలి

ఇంటిలోన నేను ఒంటిగాడినై
అందరికీ సేవలు చేయ
రేయి పవలు తిరగాలి

లేరు మనకు బంధువులు
లేరు తల్లిదండ్రులు
మనను చూసి అయ్యోపాపం
అనేవారు ఎవ్వరు
అనేవారు ఎవ్వరు…

మామా చందమామా
వినరావా నా కథ
వింటే మనసు ఉంటే
కలిసేవూ నా జత

6. ప్రేమలో పడిన జంటకి వేళాపాళా ఉండదు. ఆకలి దప్పులు ఉండవంటారు. కాని పగలే వెన్నెలగా ఉందంట. మండే సూర్యకాంతి చల్లని వెన్నెలలా ఉందంట. మరీ విడ్డూరం కదా.

ఈ పగలు రేయిగా
పండు వెన్నెలగ మారినదేమి చెలీ
ఆ కారణమేమి చెలీ ఆ… ఊఁ..
వింతకాదు నా చెంతనున్నది
వెండి వెన్నెల జాబిలి
నిండు పున్నమి జాబిలి… ఓ ఓ ఓ…

మనసున తొణికే చిరునవ్వెందుకు
పెదవుల మీదికి రానీవు
అహా ఓహో అహా… ఆ…

పెదవి కదిపితే మదిలో మెదిలే మాట తెలియునని మానేవు ఊఁ…

కన్నులు తెలిపే కథలనెందుకు
రెప్పలార్చి ఏమార్చేవు
ఆఁ… ఆఁ… ఓ ఓ ఓ…

చెంపలు పూచే కెంపులు
నాతో నిజము తెలుపునని జడిసేవు
ఓహోహో…

అలుక చూపి అటువైపు తిరిగితే
అగుపడదనుకుని నవ్వేవు ఉహుహు…

నల్లని జడలో మల్లెపూలు
నీ నవ్వునకద్దము చూపేను ఆహా…

ఆహహాహా… ఆహహాహా…
ఆహహాహా… ఆహహాహా…
ఊహుహూ…

7. ఆహ్లాదకరమైన వేళ,మనసునిండా సంతోషం నిండినవేళ జగమంతా అందంగా, ఆనందంగా ఉంటుందంటారు.

పగలే వెన్నెల జగమే ఊయల
కదలే ఊహలకే కన్నులుంటే
పగలే వెన్నెల జగమే ఊయల

నింగిలోన చందమామ తొంగి చూచే
నీటిలోని కలువభామ పొంగిపూచే
ఈ అనురాగమే జీవన రాగమై
ఎదలో తేనె జల్లు కురిసిపోద

పగలే వెన్నెల జగమే ఊయల

కడలి పిలువ కన్నె వాగు పరుగు తేసే
మురళి పాట విన్న నాగు సిరసునూపే
ఈ అనుబంధమే మధురానందమై
ఇలపై నందనాలు నిలిపి పోదా

పగలే వెన్నెల జగమే ఊయల

నీలి మబ్బు నీడలేసి నెమలి ఆడే
పూల రుతువు సైగ చూసి సిఖము పాడే
మనసే వీణగా జనజన మ్రోయగా
బ్రతుకే పున్నమిగా విరిసిపోదా

పగలే వెన్నెల జగమే ఊయల
కదలే ఊహలకే కన్నులుంటే …….
పగలే వెన్నెల జగమే ఊయల

8. ఈ చందమామ అందరికీ హితుడైపోయినట్టున్నాడే. ఏ మాట చెప్పుకోవాలన్నా అతనే శరణ్యం..

ఏమిటో ఈ మాయ ఓ చల్లని రాజా వెన్నెల రాజా
ఏమిటో నీ మాయ ఓ చల్లని రాజా వెన్నెల రాజా
ఏమిటో నీ మాయ

వినుటయే కాని వెన్నెల మహిమలు
వినుటయే కాని వెన్నెల మహిమలు
అనుభవించి నేనెరుగనయా
అనుభవించి నేనెరుగనయా
నీలో వెలసిన కళలు కాంతులు
నీలో వెలసిన కళలు కాంతులు
లీలగా ఇపుడే కనిపించెనయా

ఏమిటో ఈ మాయ ఓ చల్లని రాజా వెన్నెల రాజా
ఏమిటో నీ మాయ

కనుల కలికమిది నీ కిరణములే
కనుల కలికమిది నీ కిరణములే
మనసును వెన్నెగా చేసెనయా
మనసును వెన్నెగా చేసెనయా
చెలిమి కోరుతూ ఏవో పిలుపులు
చెలిమి కోరుతూ ఏవో పిలుపులు
నాలో నాకే వినిపించెనయా

ఏమిటో ఈ మాయ ఓ చల్లని రాజా వెన్నెల రాజా
ఏమిటో నీ మాయ

9. ప్రేయసీప్రియుల సరససల్లాపాలలో ఆకాశవీధిలో ఉన్న చందమామ కూడా చేరిపోతాడు. సరాగాలాడతాడు.

ఆకాశ వీధిలో అందాల జాబిలీ వయ్యారి తారను జేరి
ఉయ్యాలలుగేనే సయ్యాటలాడెనే ||3||

జలతారు మేలిమొబ్బు పరదాలు నేసీ తెరచాటు చేసి
పరువాలు దాగి దాగి పంతాలు పోయీ పందాలు వేసి
అందాల చందామామ దొంగాటలాడెనే దోబూచులాడెనే ||ఆకాశ వీధిలో||

జడివాన హోరుగాలి సుడిరేగి రానీ జడిపించబోని
కలకాలం నీవే నేనని పలుబాసలాడీ చెలి చెంత చేరీ
అందాల చందామామ అనురాగం చాటేనే నయగారం చేసెనే ||ఆకాశ వీధిలో||

10. తమ భాగస్వాములు నేలమీద జాబిలిగా భావిస్తుంటే ఎవరు మాత్రం ఏం చేయగలరు?

నేలమీది జాబిలి…నింగిలోని సిరిమల్లి
నా చెలీ… నెచ్చెలీ..చేరుకోరావా నా కౌగిలి…

నేలమీది జాబిలి…నింగిలోని సిరిమల్లి
నా చెలీ… నెచ్చెలీ..చేరుకోరావా నా కౌగిలి…ఈ..ఈ..
నేలమీది జాబిలి…

పిలిచెను కౌగిలింత రమ్మనీ…ఇమిడిపోమ్మనీ
తెలిసెను పులకరింత ఇమ్మనీ..దోచి ఇమ్మనీ…

మనసుకు వయసు వచ్చు తీయనీ రేయినీ
ఆ…ఆ…ఆ…
వయసుకు మతిపోయి పోందనీ హాయినీ

తొలి ముద్దు ఇవ్వనీ..మరుముద్దు పొసగనీ
మలి ముద్దు ఏదనీ..మైమరచి.. అడగనీ

నేలమీది జాబిలి…నింగిలోని సిరిమల్లి…
నా చెలీ… నెచ్చెలీ..చేరుకోరావా నా కౌగిలి…ఈ..ఈ..
నేలమీది జాబిలి…

వెన్నెల తెల్లబోయి తగ్గనీ..తనకు సిగ్గనీ
కన్నులు సిగ్గుమానీ..మొగ్గనీ…కలలు నెగ్గనీ
తరచిన మల్లెలు ఫక్కుమనీ ..నవ్వనీ..
పగటికి చోటివ్వక ఉండనీ..రాత్రినీ..
దీపాలు మలగనీ…ఆ…తాపాలు పెరగనీ…ఆ..
రేపన్న దానినీ ఈ పూటే చూడనీ…

నేలమీది జాబిలి…నింగిలోని సిరిమల్లి…
నా చెలీ… నెచ్చెలీ..చేరుకోరావా నా కౌగిలి…ఈ..ఈ..
నేలమీది జాబిలి…

4 thoughts on “చందమామ పాటలు – 2

  1. నిండు పున్నమి వెన్నెల/ పండు పున్నమి వెన్నెల/ నెరి వెన్నెల/ పాలవెన్నెల – అనేకసార్లు – మన తెలుగు film world – వెండితెర ని కళకళలాడించింది – ఇంత మంచి జ్ఞాపకాలను మీ ద్వారా మాకు ఇచ్చారు,
    many thanks –

  2. నిండు పున్నమి వెన్నెలా – ఎన్నిసార్లో – మన తెలుగు film స్క్రీన్ ని తళతళ లాదించింది – చక్కని సాహిత్యానికి విశాల గగనం అయ్యాయి ఆనాటి మన చలనచిత్రాలు.

Leave a Reply

Your email address will not be published. Required fields are marked *