March 28, 2024

వేపచెట్టు

రచన:  పవన్ కుమార్ కోడం
వసంతకాలపు చిగుళ్లతో
చిరుగాలి పూయిస్తూ
ఉక్కపోతలో ఉపశమన్నాన్ని అందిస్తుంది
లేలేత ఆకులు
నోటిలో నూరి
చేదు కాస్త తియ్యదనంగా మారింది
విచ్చుకున్న వేప పూత
పచ్చడిలో పరిమళించి
ఊగాదికి ఊపిరి పోసింది
విసిరి విసిరి కొడుతున్న ఎండను
కొమ్మల  ఆకుల చేతులు అడ్డుపెట్టి
నీడను పరిచి
నిప్పులకుంపటికి ఆహుతవుతుంది
దుఃఖాన్ని దిగమింగుకుని
దారిద్య్రాన్ని దాచుకుని
దోపిడీకి తావులేకుండా
ఆకురాలు కాలాన్ని అధిగమించి
పేటెంట్ హక్కుతో విదేశాలకు పయనించి
శ్రమనంతా  ఔషదాల తయారీకి ధారపోస్తూ
ప్రాణవాయువు అందించే దాతగా
పదికాలాలపాటు నిలిచి వెలుగుతూనే ఉంటుంది

Leave a Reply

Your email address will not be published. Required fields are marked *