రచన : శ్రీకాంత గుమ్ములూరి.
హర్షం ఇవ్వని వర్షం
గట్టు తెగిన కాలవ గుట్ట
పొంగి పొరలే వెల్లువ
వరదతో పాటు బురద
కొట్టుకుపోయే చెట్టులు
పట్టుకు వేళ్ళాడే జీవులు
అందుకోబోయే అన్నలు
లబో దిబో మనే తల్లులు
గళ్ళు పడ్డ ఇళ్ళు
నీరు కారే చూరు
చెమ్మకి చివికిన గోడలు
దుర్గంధపు మార్గాలు
మురికి గుంటల్లో దోమలు
కలిగించే డెంగూ, మలేరియాలు
తిండి పై ముసిరే ఈగలూ
అందించే పలు జబ్బులూ
బురదలో పడ్డ నీరద
జబ్బు పడ్డ సుబ్బు
దగ్గుతున్న జగ్గు
జ్వరం వచ్చిన జ్వాల
వర్షాల్లో వచ్చే పండుగలు
పండుగలు తెచ్చే దండగలు
కలిసి వస్తే పండుగలు జబ్బులూ
వేటికై వెచ్చించాలి డబ్బులూ ???