రచన, చిత్రం: కృష్ణ అశోక్
పెనవేసుకున్న ప్రేమ పోగులు
ఒక్కొక్కటి విడివడి తెగిపోవడం
నా కంటిపాపకి కనిపిస్తుంది…
గుండెలో రాసుకున్న ప్రేమాక్షర నక్షత్త్రాలు ఆకాశం నుండి ఉల్కల్లా నేలకు రాలడం
నా మనసు కిటికీనుండి చూస్తూనే ఉంది…
మైత్రి మమకారాలు మాట రాక
గుండెగొంతులోనే కరుడు కట్టినట్టు
మస్తిష్కపు కేన్వాసు వర్ణిస్తూనే ఉంది…
సిరుల విరుల ఊసులన్నీ నీరుగారి
నిన్నునన్ను ముంచేస్తున్న సునామీల్లా
మనిద్దరినీ చెల్లాచెదురుగా చేయడం
నా భవిష్యవాణి చెవిలో చెప్తున్నట్టు వినిపిస్తుంది…
ఈ నిట్టూర్పుల విలయ వేదం ఇక్కడితో ఆగిపోని,
త్రికాలజ్ఞానికైనా తప్పదనిపిస్తుంది ఈ ప్రేమవ్యధ…!!
1 thought on “ప్రేమవ్యధ…!!”