మాలిక పత్రిక

రచన: డా||బాలాజీ దీక్షితులు పి.వి

ఈ సృష్టిలో ఎన్నో
గంధర్వలోకాలున్నాయి
ఆఘ్రాణించలేని దివ్యగాధాలున్నాయి
మరుపురాని మకరందాలున్నాయి
ఆత్మరాగం చలించి
ఫలించి, వరించి, తరించే అపూర్వ సంగమాలున్నాయి
ఇలాంటి ఈ విశ్వాన
కళకోసం, కవితార్చన కోసం
అమలిన ప్రణయ యాతన కోసం
జీవిత సత్యం కోసం
ఆనంద నృత్యం కోసం
అనురాగ లక్ష్యం కోసం
పరితపించే
అమందానంద హృదయం నాది
అందున వికసించే
సుమహార కోశం నీది