May 25, 2024

కవిత్వం పరమార్ధం

రచన: అజయ్ పారుపల్లి

కవిత్వం అర్థం లేని మౌన గోస కాకూడదు

కవిత్వం సాగరఘోషై నినదించాలి
నిద్రాణమైన జనులందరికి …..

కవిత్వం కామాంధుల పాలిట
కరాళ మృత్యువై కదలాడాలి …

కవిత్వం పీడిత, తాడిత ప్రజల్లో
విప్లవాలను రగిలించాలి …..

కవిత్వం అసహాయుల చేతుల్లో
ఆయుధమై మిగలాలి …

కవిత్వం చెడును సంహరించే
చండికలా చెలరేగాలి …..

కవిత్వం దానవ సమాజాన్ని
మానవ సమాజంగా మార్చగలిగేదై నిలవాలి …..

కవిత్వం మంచి కి మారుపేరై
మమతల కోవెలలా మనగలగాలి …..

కవిత్వం ఝంఝమారుతంలా
ఉరికే జలపాతంలా
నిరంతర చైతన్య స్పూర్తితో
జైత్రయాత్ర సాగించాలి …..

****************

1 thought on “కవిత్వం పరమార్ధం

Leave a Reply

Your email address will not be published. Required fields are marked *