భానుమతిగారు ఈ కధలను చదువుతూ, విశ్లేషించిన తర్వాత ఇలా అంటున్నారు..
నా మాట—
తండ్రీ కూతుళ్ల అనుబంధం ఎంత గొప్పదో.. ఆ ప్రేమ ఎంత అపురూపమయిందో.. అది అందుకున్న వాళ్లకి బాగా తెలుసు. అందుకనే.. మాలిక అంతర్జాల పత్రిక సంపాదకులు, రచయిత్రులని.. ఆ బంధం ఆధారంగా కథానికలు రాయమన్నప్పుడు వెంటనే స్పందించారు మన రచయిత్రులు.
ఒక్కో కథా వచ్చినప్పుడల్లా నాకు జ్యోతి పంపుతుంటే వెంటనే చదివేశాను.. పాఠకురాలిగా! అందరు రచయిత్రులూ ఆరితేరిన వారే.. ఒక్కొక్కరూ ఎంచుకున్న విషయం.. దేనికదే! అంత మనసుకు పట్టించుకోకుండా చదివేశాను కద.. ఆలోచిస్తే ఇన్ని రకాల నాన్నలుంటారా అనిపించింది. మా నాన్నగారు నన్ను గారం చెయ్యడం, కోపం వస్తే కోప్పడ్డం.. సరిగ్గా చదవకపోతే కూర్చోపెట్టి పాఠాలు చెప్పడం, ప్రైజులొస్తే పదిమందికీ చెప్పి మురిసిపోడం.. ఇవే తెలుసు నాకు.
ఇంక సమీక్ష రాయడానికి కూర్చున్నప్పుడు, ప్రతీ లైనూ, వీలైతే లైనుకీ లైనుకీ మధ్య చదువుతుంటే ఆలోచనలు అంతర్వాహినిలా వచ్చాయి. అవన్నీ క్రమంలో పెట్టి విశ్లేషించడానికి ప్రయత్నం చేశాను.
నా అభిప్రాయాలు.. పాఠకులకి ఏమనిపిస్తాయో మరి.. వేచి చూడాల్సిందే!
ఈ సంచికలోని వ్యాసాలు, కధలు:
01. నాన్నకో ఈమెయిల్
02. నాన్న కూతురు
03. దహనం
04. ఓ నాన్న
05. ఓ ఇంటి కథ
06. ఏం బంధాలివి?
07. ఎంత మంచివాడవు నాన్నా?
08. కణ్వ శాకుంతలం
09. బంధాలు – బాధ్యతలు
10. మీచ్ తుమ్చీ లేక్
11. పదచంద్రిక
12. తలచుకొనండి – కనుగొంటాను
13. ఆశుధారలో కమనీయమైన ఖడ్గధార
14. అనగనగా బ్నిం కధలు – రాజయ్య ఇడ్లీ బండి
15. మాయానగరం – 5
భానుమతి గారూ మే౦ కథ ఎలా రాసినా మీ విశ్లేషణ చదివిన వారు తప్పక కథ చదువుతారు. అ౦త విపుల౦గా రాసారు. నా కథ లో మమత పాత్ర నేనే. ఇది సగ౦ పైగా జరిగిన కథ.( ఢిల్లీలో) కానీ ఈ నాటికీ ఇలా౦టి త౦డ్రులు ఉన్నార౦టే మీరు నమ్ముతారా! మీరు రాసినట్లుగా డెభైలో ఈ సబ్జెక్ట్ మీద కథలు వచ్చాయన్నారు. నా అనుభవ౦ 1990 లోది. ఉమ టాపిక్ చెప్పగానే ఎన్నో కథలు మెదిలాయి చాలా వరకు పాజిటివ్ కథ లే త్౦డ్రీ కూతుళ్ళ అపురూప అనుబ౦ధాలు. సడన్ గా మావారు ఇది గుర్తు చేసారు. ఆ స౦ఘటన ఇప్పటికీ నా కళ్ళము౦దు సజీవ౦గా ఉ౦ద౦టే ఆ ఆడపిల్ల ల కోస౦ నా మనసె౦త క్షోభి౦చి౦దో నేను వేరే చెప్పనక్కరలేదు
భానుమతిగారికీ నమస్కారములు
సరైన విశ్లేషకుల చేతిలో పడితే రచన అందాలు పెరుగుతాయి. మీరు మీ విశ్లేషణలతో మా రచనలకు విలువ పెంచారు. ధన్యవాదాలు.
మంథా భానుమతిగారికి, నమస్కారములు.
అందరి కథలూ యెంతో శ్రధ్ధగా చదివి, విశ్లేషించిన మీ పెద్దమనసుకు ముందుగా శతాధిక వందనములు.
తోటి రచయిత్రులను మీరు యెంతో అభిమానంతో ప్రోత్సహిస్తున్నారు. అందుకు తార్కాణమే ఈ కథలపై మీ విశ్లేషణలు. మీరు చెప్పిన విశ్లేషణతో కథా సారాంశం తెలియచెప్పడమే కాకుండా, ఆయా రచయిత్రులను యెంతో ప్రోత్సహిస్తూ చెప్పిన వాక్యాలు మమ్మల్ని చాలా ఆనందపరిచాయి. యెప్పుడూ మీరు ముందుండి మమ్మల్ని యింకా యెదిగేలా చేస్తారని నమ్ముతున్నాను.
ధన్యవాదాలతో,
జి.ఎస్.లక్ష్మి..
గౌరవనీయులైన శ్రీమతి మంథా భానుమతి గారికి..
( కాసేపు మిమ్మల్నిలానే సంబోధించనీయండి నన్ను. :-))
నమస్తే.
నా కథ మీద మీ అభిప్రాయాన్ని వ్యక్తపరిచారనంగానే..
ఎంత ఆంత్రంగా వెళ్లానో పేజీలోకి.
చదివిన ముందు వాక్యం తోనే మనసుని కొల్లగొట్టేసారండి. నిజం.
‘పురుషు డదృష్టమహిమ గలిగినంతవరకును కళ గల్గియుండును. అగ్నితోఁగలిసియుండు నంతఁదనుక ప్రకాశించిన బొగ్గు ఆ యగ్ని చల్లారినంతనే నల్లనైపోవును.’ –
నేను అన్ని పేజీలలోనూ రాసిన కథ సారమూ, సారాంశమూ అంతా ఈ ఒక్క వాక్యంలోనే ఇమిడుంటం ఎంత అధ్బుతమైన అంశం!ఎంత అందమైన విశ్లేషణ!
మీ విశ్లేషణ తో ఈ కథకి పరిపూర్ణత లభించినట్టనిపించింది.
నా మనసు నిండింది.
అవును అక్కా, మీరు చెప్పినట్టు,ఆంధ్ర భూమిలో శ్రీ కనకాంబర రాజు గారి దగ్గర సబ్ ఎడిటర్ గా పనిచేసినప్పుడు –
వృత్తి పరం గా నేను నేర్చుకున్నవి గ్రహించినవి ఎన్నో, ఎన్నెన్నో.. విలువైన విషయాలేన్నో వున్నాయి.
ఆ అనుభవాలు, రైటర్స్ తో నాకు గల సాహితీ పరమైన అనుబంధాలు అన్నీ కలిపి ఒక పుస్తకంగా రాయాలనుకుంటున్నాను.
అలానే, ఇంగ్లీష్ పదాలు వాడకం గురించి చెప్పాలీ అంటే – అసలీ మధ్య దాని జోలికే పోవడం లేదు. అలాటిదీ, 🙂 ఇలా ఎలా వచ్చి పడ్డాయో ఏమిటో..మరో సారి చెక్ చేసుకుంటాను.
మరో మాట..
నిన్ననే అమ్మని ఆసుపత్రిలో మళ్లీ అడ్మిట్ చేసాను. ఆమె అవస్త చూడ్లేనిదాన్లా అవుతున్నాను ఆరోజుకారోజు!
పొద్దునే ఇంటికొచ్చి, వంట పని చేస్తూ ఇలా లాప్టాప్ ఓపెన్ చేసాను. చూసాను. చదివాను. మీ విశ్లేషణ నాకు మానసికంగా ఎంతో ఉపశమనాన్నిచ్చింది. హాయిని కలగచేసింది. బాధను తాత్కాలికంగానైనా మరపించింది. రిలాక్స్ అవుతున్నాను..
అక్షరానికి ఎంత గొప్ప శక్తి ఉందో కదూ? నా పాలిట సంజీవనౌషిధి లా పనిచేస్తోంది.. థాంక్స్ అక్కా.. థాంక్ యు సో మచ్..
మీ కితాబ్ కివే నా మనః పూర్వక ధన్యవాదాలు తెలియచేసుకుంటూ
అనేకానేక నమస్సులతో..
భయభక్తులతో గౌరవాభిమానాలతో
మీ
సోదరి.
“ఆలోచనలు అంతర్వాహినిలా వచ్చాయి” అంటూ అంతర్వాహిని కదా రచయత్రి శ్రీ మతి మంథా భానుమతిగారు మా అందరి కధలను చదివి చక్కటి సమీక్ష చేసారు అసలు కధ సారంశాన్ని ఆ సమీక్షలో లోనే చక్కగా తెలిపారు.అరటిపండు వలిచినంతగా. ధన్యవాదాలు భానుమతిగారు,జ్యోతి వల్లభోజు గారు