March 19, 2024

మా గురించి

మాలికకు స్వాగతం. సంక్రాంతి, ఉగాది, శ్రావణ పౌర్ణమి, దీపావళి సందర్భంగా వెలువడే ఈ త్రైమాసిక పత్రికగా మొదలై క్రమక్రమంగా రెండు నెలలకోసారి ఆ తర్వాత మాసపత్రికగా దినదినాభివృద్ధి చెందుతూ వచ్చింది.  దీనిని వెలువరించటానికి మాకు సహాయపడుతున్న అనేకమంది శ్రేయోభిలాషులకు, ఆదరిస్తున్న పాఠకులకు మా హృదయపూర్వక కృతజ్ఞతలు.

ఇప్పటికే అచ్చులోను, అంతర్జాలంలోనూ ఇన్నిన్ని పత్రికలు ఉన్నాయి కదా, కొత్తగా మీ పత్రిక ఏమి సాధించబోతోంది అని మమ్మల్ని చాలామందే అడిగారు. అనంతమైన ఈ సాహిత్య ప్రపంచంలో ఇంకా కనుగొనబడని వింతలు విశేషాలూ చాలానే ఉన్నాయి. అమూల్యమైన కృషి చేసి అద్భుతమైన ఫలితాలు సాధించిన అచ్చు మరియు వెబ్ పత్రికలకు అందనివాటిని అందుకోవటం కోసమే మా ఈ తపన. సాహిత్యానికి, సమాచార స్రవంతికి అంతిమ ఘడియలు సమీపించాయని నిర్ణయింపబడేవరకూ మా ఈ అన్వేషణ కొనసాగుతూనే ఉంటుంది. అలాగే శ్రేష్టత, ప్రమాణాలే ఆధారంగా నడుస్తున్న ప్రస్తుత పత్రికలకు, వాటిలో ప్రచురించగలిగే సామర్ధ్యం ఉండి,  ఆ అవకాశాలు చేజిక్కించుకోలేనివారికి మధ్య వారధిలా కూడా ఈ పత్రిక ఉపయోగపడాలనేది మా ఆకాంక్ష. ఇంకా మట్టిలో మిగిలి ఉన్న మాణిక్యాలని వెలికి తీయటం కూడా మా లక్ష్యాలలో ఒకటి.

మిత్రుడు ఆర్కే అన్నట్టు, ఇజాల ఇనపసంకెళ్ల నుంచీ, వాదాల సంకుచిత దృష్టినుంచీ  ప్రపంచాన్ని చూడని మేము అనుసరించే సిద్ధాంతాలు, “ఈశావాస్య మిదం సర్వం”, “ఏకం సత్ విప్రా బహుదా వదంతే”.మరొక ముఖ్యమైన విషయమేమిటంటే ఈ పత్రిక గమనం ఒకే దిశలో ఉండదు. “రచయితలు-పాఠకులు” అనే నిర్దేశిత నమూనాకు బదులుగా వెబ్ 2.0ను అనుకరిస్తూ పాఠకులని కూడా వ్యాఖ్యల ద్వారా లేక ఇతర పధ్ధతుల ద్వారా రచయితలుగా మార్చే ప్రయత్నం ఈ పత్రికద్వారా మేము చేస్తున్నాం. పత్రికాపరంగా జరిగే చర్చలలో సమాచార సాగరం చిలకబడి దానిలోనుండి జ్ఞానామృతం పుట్టుకొస్తే మా ఈ చిన్ని ప్రయత్నం సఫలీకృతమయినట్లే.

ఇక మా బృందం విషయానికి వస్తే ,
ఈ వెబ్ సైటు మీకు కనబడటానికి ముఖ్యకారణమైన వట్టిపల్లి శ్రీను & కుప్పాల రంజీత్ (ఆర్కే),  వారికి సహాయ సహకారాలందించిన ఆత్రేయ విమల్ & నారుమంచి పద్మ, వ్యాసాలను ఈ సైటుకెక్కించటంలో రాత్రింబవళ్ళూ శ్రమించిన పిరియా రవి & ఇంద్రకంటి కార్తీక్, ప్రచారపరంగానూ & ఇతరత్రా సహాయాన్నందించిన మంచుపల్లకీ & శ్రీనివాస్ చౌదరి, డాలస్ కృష్ణ, కుమార్ ఎన్, భాస్కర రామరాజు, మరియు మీ భవదీయుడు మాలిక ముఖ్యసభ్యులు. మాలిక లోగోలకు అందాలు అద్దిన భండారు శివ & ధరణీరాయ్ చౌదరి గార్లకు, ఇతరత్రా సహాయం చేసిన తారకు మా కృతజ్ఞతలు.

పత్రికాపరంగా అయితే  జ్యోతి వలబోజు కంటెంట్ హెడ్, మరియు ప్రధాన సంపాదకురాలిగా ఒక ముఖ్య భూమిక పోషిస్తున్నారు. ఇతర ముఖ్యసభ్యులు డా. గౌతమి జలగడుగుల.

సంపాదకీయ వర్గంలో ముఖ్యసభ్యులతో పాటు డా.దేవకీదేవి, డా.రాఘవమ్మ, డా.సీతాలక్ష్మి ఉన్నారు. ఈ సందర్భంగా మా శ్రేయోభిలాషులు, సన్నిహితులయిన  పొట్టి శ్రీరాములు తెలుగు విశ్వవిద్యాలయ ఉపకులపతి ప్రొ.అనుమాండ్ల భూమయ్యగారికి ప్రత్యేక కృతజ్ఞతలు.

– (మాలిక బృందం తరపున) వెలమకన్ని భరద్వాజ్

44 thoughts on “మా గురించి

  1. చాలా సంతోషంగా ఉంది మీ కృషిని చూస్తుంటే. ఈ పత్రిక ఇలాగే కల కాలం కొనసాగాలని కోరుకుంటూ.

    -బాలాజీ

  2. చాలా విలువైన పత్రిక.. తప్పకుండ కొనసాగించండి .. అచ్చులోనూ వస్తుందా? తప్పకుండా కొని పిల్లలచేత కూడా చదివించాలి..

  3. నిజంగా మాలిక బృందం కృషి అభినందనీయం…చిరకాలం వర్ధిల్లాలి

  4. మాలిక ను పరిచయం చేసిన టి.వి.యస్.శాస్త్రి గారికి కృతజ్ఞతలు తెలుపుకుంటూ మళ్ళి మళ్ళి మీ అంతర్జాలపత్రిక చదివేఅవకాశం కలిపించ వలసినదిగా కోరుకుంటూ, మీ రత్నం.

  5. మొట్ట మొదటిగా మాలిక పత్రికను చూడడానికి కారణం జెజ్జెల కృష్ణ మోహనరావు గారే.వారి విజయ నామ సంవత్సర ఉగాది పద్యాలు శోధించే సందర్భం లో యీ మనోహరమైన మాలిక దర్శనమిచ్చింది.పత్రిక నిర్వాహక బృందానికి నా అభినందనలు.
    విధేయుడు,
    జాబాలిముని

  6. మాలిక పత్రిక ఎలా చూడాలో ఏ లంకె దగ్గర చూడాలో కాస్త చెబుదురూ.

  7. నమస్కారములు
    పరిమళ భరిత మైన పలు పుష్ప ముల నలంక రించు కున్న మాలిక అభినంద నీయము.

  8. అభినందనలు. శుభాకాంక్షలు.
    వైవిధ్యభరితమైన మంచి అంశాలతో తనదంటూ ఒక ప్రత్యేకతని మాలిక పత్రిక సంపాదించుకోవాలన ి ఆకాంక్షిస్తున్న ాను.

  9. మాలిక జట్టుకు అభినందనలు. మీ ఈ ప్రయత్నం ఫలవంతమవ్వాలని ఆశిస్తూ అభినందిస్తున్నా ను.

  10. బాగుంది. శుభాభినందనలు.
    “మాలిక పత్రిక” కు వ్యాసాలు, కథలు పంపాలంటే ఏ వేగుకి పంపాలి? రచయిత(త్రు)లకు సూచనలు నియమ నిబంధనలు ఏమైనా వున్నాయా? ఆ వివరాలు కూడా పొందు పరిస్తే బాగుంటుంది..!!

    1. అనుకోకుండా పత్రిక చూసాను. సంతోషంగా వుంది. సత్యప్రసాద్ గారికి జవాబు ఇస్తే బావుంటుంది మరి.

  11. Below is a comment from Maganti Vamsi:

    “శుభం. అభినందనలు. శుభాభినందనలు.

    అభినందనలూ అవీ అయ్యాక – రెండు ముక్కలో, సూచనలో, అభిప్రాయాలో – మీరేది అనుకున్నా సరే

    1) మాలిక పత్రిక – అనే ఈ మాట అదేదో “మాల పత్రిక”, “మాలల పత్రిక” లా ఉన్నది. ఇందులో మాల అన్నానని కులాభిమానం భుజాలకెత్తుకోని , కత్తులెత్తుకుని కొట్టుకోవఖ్ఖరలా . నేనన్నది పుష్ప “మాల” / “మాలిక” అన్న అర్థంలో. మాలిక అని హెడ్డింగు పెట్టి – ఆ హెడ్డింగు కింద కాప్షన్ లాగున చక్కగా ఏదన్నా చేర్చి “త్రైమాసిక పత్రిక” అని చేర్చండి.
    2) ఫాంటు సైజు కొద్దిగా పెంచండి. నాలా నాలుగు కళ్ళున్నవాళ్లకే చాలా “ఇది” గా ఉన్నది.
    3) ఈ సారి హడావుడిగా మొదలెట్టేసినా, త్రైమాసిక పత్రిక కాబట్టీ, బోల్డంత టైమూ దొరుకుతుంది కాబట్టీ, వ్యాసాల్లో / ఆర్టికల్స్లో “అచ్చు తప్పులు” లేకుండా చూస్కోండి. ఇప్పుడు బోల్డు ఉన్నాయి.
    4) ఆర్టికల్స్ కూడా పొద్దువారిలా – మీకూ సంపాదకులున్నారు కాబట్టి ఓ సారి రివ్యూ చేయించండి, చేయండి. దిగలాగడం అని కాదు కానీ, కొన్ని ఆర్టికల్సు ఎందుకు రాసారో అర్థం కాలా. అర్థం అయినవి బాగున్నాయి. కొన్ని అర్థం చేసుకోడానికి భాఘా కష్టపడాల్సి వచ్చింది. ఏవి అని పేర్లడగొద్దు.
    5) అభిప్రాయాలకు “మాడరేషన్” పెట్టండి అని కొన్ని దిక్కుమాలిన సలహాలు వస్తాయి. అవి పట్టించుకుంటే, ఇహ అంతే సంగతులు. అలాగని దూషణకు దిగితే ఠక్కున తీసిపారేస్తామనీ “పేద్దగా” కనపడేట్టు హెచ్చరిక పెట్టండి. పైగా వీరబాదుడు, కెలుకుడు టీములు మీవే కాబట్టి అనానిమస్సుల గురించి భయపడనక్ఖరలా. హెచ్చరిక చదివి కూడా ధైర్యం చేస్తే – ఇహ మీకు చెప్పాల్సిన పని లేదు. అలాక్కాదు, ఇప్పుడు పత్రిక పెట్టాం కాబట్టి మా లెవెలు ఓ మెట్టెక్కింది. కాబట్టి ఆలోచిస్తాం ఇప్పుడు అంటే – ఈ పాయింటు “ఇగ్నోర్”
    6) సబ్ మెనూలు, కిందనున్న ఆర్టికల్సు హెడ్డింగులను తినేస్తున్నాయి..కాబట్టి ఆ దిక్కు ఓ లుక్కేసుకోండి..

    ఇంకా వివరంగా చూసాక మళ్లీ రాస్తా.

    శలవు
    శ్రేయోభిలాషి
    మాగంటి వంశీ “

  12. పత్రిక మనోజ్ఞం.
    ప్రయత్నం అద్భుతం.
    మాలిక నిర్వాహక మండలికి
    అభినందనలతో –
    డా.ఆచార్య ఫణీంద్ర

  13. మాలిక త్రైమాసిక పత్రిక బృందానికి అభినందనలు

  14. తళతళలాడెను మాలిక తొలి సంచిక ఎంతో
    కళకళలాడవలె ఇలాగే మును ముందంతా….

  15. మాలిక కార్యవర్గానికి, మాలికకు సహాయసహకారాలందిస ్తున్న వర్గానికి, మాలిక సమూహానికీ అభినందనలు

  16. మలక్ – మీకు, మాలిక బృందానికి అభినందనలు. వర్చువల్ ప్రపంచంలో ఓ కొత్త ఒరవడిని మాలిక పత్రిక సృష్టిస్తుందని ఆశిస్తూ…

    కొండముది సాయికిరణ్ కుమార్ / కడప రఘోత్తమ రావు
    ఆవకాయ.కాం

  17. మాలిక ప్రారంభ సంచికతోనే చాలా బాగా తెచ్చిన దానికి వెనకనున్న సంపాదక, సాంకేతిక బృందానికి నా హృదయపూర్వక అభినందనలు. ఓ విభిన్న ఆలోచనా స్రవంతిని పాఠకులకు అందజేయ మీ ప్రయత్నం అభినందనీయం..

  18. మాలిక సభ్యులందరికీ పేరుపేరునా అభినందనలు,మీ(మన )ఈ పత్రిక రాశిలోనూ వాసిలోనూ సర్వజనహర్షణీయంగ ా ఉండాలని ఆశిస్తూ…
    మీ మిత్రబాంధవుడు శ్రీనివాస్ పప్పు

  19. మాలిక సంపాదకులారా! అభినందనలు.

    మాలిక పేరుకున్ తగఁగ మాన్యుల సద్రచనా సుమాళినే
    చాలగ సేకరించి, యిటఁ జక్కగ మాలికఁ జేసి, పాఠకుల్
    తేలికగా పఠింపగ సుధీమతి నుంచిన వెల్మ కన్నికిన్,
    మాలిక బృంద సభ్యులకు, మాన్యులకెల్లరిక ంజలించెదన్.

    జ్యోతిగారూ! యత్నించి, యత్నింపఁ జేసి సఫలీకృతులగుటలోన ు, సఫలీకృతులగునట్ల ు చేయుట లోను సప్రమాణికంగా నిలిచిన మీకు నా ప్రత్యేక అభినందనలు

Comments are closed.


Notice: Trying to get property of non-object in /var/www/html/maalika/magazine/wp-content/plugins/jetpack/modules/gravatar-hovercards.php on line 238

Notice: Trying to get property of non-object in /var/www/html/maalika/magazine/wp-content/plugins/jetpack/modules/gravatar-hovercards.php on line 238