స్వధ వెలమకన్ని
ఏ ముఖం పెట్టుకోని వస్తున్నావు నీవు?
ఓహో మన్మధయేమందంగా వుందని అడుగుతున్నావా?
మనసందం లేని మనుషులకి మన్మదైనా, దుర్ముఖైనా ఒకటేనంటావా?
దుర్మతులు, నరరూప రాక్షసులు మన్మధలో లేరా,
నేనొస్తానంటే వద్దంటావేం వచ్చితీరుతానంటావా?
దుర్ముఖీ! నీవెలాగో మా సముఖానికి రానేవచ్చావ్
ఎన్ని ఉగాదులు వచ్చినా మారని దగాకోరులు,
కల్తీశాలులు, అవినీతిపరులు, స్త్రీని వేధించే నీచ కీచకులు
ఇకనీవంటే హడలి మారాలి లేకుంటే చావాలి,
అమ్మా! దుర్ముఖీ మాలో సుహుద్బావాన్ని నింపి
మాకు సుఖశాంతులనిచ్చి,
అందరికి ఆనందాన్ని పంచి
తెరమరుగు కాకుండా
“భాషలరాణి తెలుగు సుభాషిణి” అందలమెక్కించి
నీవు సుముఖివే అనిపించు మమ్ము అలరించు!