రచన: మెరాజ్ ఫాతిమా
చిత్రం: చిత్ర ఆర్టిస్ట్
పూలతోటలో పరిమళించాల్సిన కుసుమాలు ,
దున్నపోతుల గిట్టలకింద నలుగుతున్నాయి.
వెలుగు కిరణాలతో విరియాల్సిన గులాబీలు,
నిశి రాతిరిలో నుసి రేఖలై రాలుతున్నాయి.
అక్షరాల ఆలయాలలో కూడా రాక్షస పాదాలు.
సంచరిస్తూ సరదా తీర్చుకున్తున్నాయి.
ఉద్యోగాలిచ్చే కంపెనీలు ఊరిబైట చేరి ఊరిస్తున్నాయి,
మిడతల దండును తరిమేందుకు మిరియపు పొడినిస్తున్నాయి.
గడప దాటిన తనయ ఘడియైనా కాకముందే,
వార్తల్లో నాని నాన్నకి శవమై అగుపిస్తుంది.
ఎన్ని డేగల ముక్కులు పొడిచాయో..,ఎన్ని కుక్కలు ఎంగిలి చేశాయో
ఎన్ని ఎలుగులు దాడిచేశాయో,క్షణ,క్షణమూ వీక్షణం.
కన్నవాళ్ళ,తోడబుట్టిన వాళ్ళను కెలికి,కెలికి,
నిజాలు తెలుసు కొంటున్న వైనాలు.
దాడిచేసిన అడవి దున్నలు,జనారణ్యం లో
రొమ్ము విరుచుకు తిరుగుతున్నాయి.
ఏలికలు బృహన్నలై “అభయ” ముద్రలు చూపుతున్నారు,
న్యాయస్థానాలు “నిర్భయ” వాగ్దానాలు చేస్తున్నాయి.
ఆడబిడ్డలని వివస్త్రలను చేసిన ఉన్మాదులకు,
ఇలాంటివి “అనూహ్య ” సంఘటనలవుతున్నాయి.
ఒక్కసారి,
మదాంధులను వధించి చూడు,
ఉన్మాదులను ఉరేసి చూడు,
చట్టం దాని పని అది చేసుకొనేలా చూడు,
తక్కెట్లో న్యాయాన్ని సరిచేసి చూడు.
దాడిచేసిన అడవి దున్నలు,జనారణ్యం లో
రొమ్ము విరుచుకు తిరుగుతున్నాయి
True ! aa adavi dunnalaki racha maryadalu kuda..!
స్పందించిన ఆత్మీయులకూ, పత్రిక యాజమాన్యానికి నా వందనాలు
మదాంధులను వధించి చూడు,
ఉన్మాదులను ఉరేసి చూడు,
చట్టం దాని పని అది చేసుకొనేలా చూడు,
తక్కెట్లో న్యాయాన్ని సరిచేసి చూడు …చాలా బాగా రాసారు ఫాతిమా గారు !!
Adbhutaha! As usual…
Andaramu INTHI ane kshetra vuthapatthulam ani chudu
Hats off to you andi fathima gaaru
కవి జాలం లో మీ కవితలు ఫాలో అవుతుంటాను. మరొక మచ్చుతునకను వదిలారిక్కడ. చదివాక ఇంత మహా జనారణ్యం ఆకస్మికంగా రొద లేనిదయిందా అనిపించింది.
అద్బుతం మీరాజ్ ఫాతిమా అక్కా ఇది మీకే సాధ్యం
ఏలికలు బృహన్నలై “అభయ” ముద్రలు చూపుతున్నారు,
న్యాయస్థానాలు “నిర్భయ” వాగ్దానాలు చేస్తున్నాయి.
సూపర్..మేడం..!!