రచన: కోసూరి ఉమాభారతి
చిత్రాలు: వాసు చెన్నుపల్లి
బుడిబుడి అడుగుల బుజ్జాయికి
చిరునవ్వులొలికే పాపాయికి
అమ్మ తినిపించె గోరుముద్దలు
నాన్న కురిపించె ముద్దుమురిపాలు
పట్టుపావడలో చిట్టితల్లి
తూనిగల్లె పరుగులెడుతూ
చిరుచేపల్లె తుళ్ళిపడుతూ
మురిపిస్తుంది మైమరిపిస్తుంది…
మోముపై అల్లలాడు ముంగురులతో
పెదవులపై తరగని సిరినగవులతో
పదహారు ప్రాయాన జవరాల యువరాణి
నడయాడె నట్టింట నీలవేణి
నయగారాల నవవధువయ్యేను
అత్తింట అడుగిడి మేటి కోడలయయ్యేను
భర్త ప్రేమలు, అత్తారి ఆప్యాయతలతో
ఆనందాలు వెల్లువై అతివ జీవనం విరసిల్లేను
ఎదుగుతున్న పిల్లలు
అందుతున్న గౌరవాలు
బరువు-బాధ్యతలు అధికమైనా
చవిచూసేనామె ‘అమ్మదనంలో కమ్మదనం!
అల్లుళ్ళు-కోడళ్ళ ఆగమనాలు
మనమల ముద్దు మురిపాలు
వెండౌతున్న కురులు
తడబడుతున్న అడుగులు
పెద్దరికమూ హుందాగనే సాగేను..
మేను అదిరినా, చూపు చెదిరినా
సాయంపట్టి ఆదరించే పరివారం
అడుగెయ్యను చేయూతనిచ్చే భర్త
అమ్మమ్మా, నానమ్మంటూ పిల్లా-జెల్లా
ఆమె ఉనికే పరిపూర్ణ సంతోషం!
అన్ని ఋతువుల ఆమనిలా
అతివ జీవనం నిత్యం వసంతం
Athivanu andamga abhivarniinchina mee bhavukathaku joharulu.
కవిత బాగుంది Uma Bharathi గారు, అభినందనలు.
Amma anni ruthuvula amanila athiva jeevanam nitya vasantham is good description about woman. Really it is very very good.
పదహారు ప్రాయపు అమ్మాయి బొమ్మ మాత్రం ప్రౌఢ లా కనిపించినా మిగిలిన చిత్రాలు చాలా బాగున్నాయి. కవిత బావుంది .(‘విరసిల్లేను’ అచ్చుతప్పా , అలాంటి పదం వినలేదు )
nice bagaarasaaru bharatigaruoo..
Lovely !!!
చాల బాగుంది