అమ్మా …అవనీ మాతా…
నిత్య సౌభాగ్య దాయినీ-
క్షమాధరిత్రివైన నీవు-
కుపితవైతివేమమ్మా…?
ఆకాశాన్నంటే అంతస్తుల్ని-
నచ్చని బొమ్మల్ని విరిచినట్లు,
మట్టుపెట్టావా? నీవు కినుకతో…
మందలించగనెంచి….ఇటుల-
శిక్షించ బూనినచో – ఇక మాకు
దిక్కెవరు మేదినీ జననీ…?
ఎంత చెడ్డ సంతానమైననూ-
ఓర్మి వహించే జగద్ధాత్రివి నీవు…
నీకంత ఆగ్రహమేల వచ్చెనమ్మ?
మాపైన నీకు బద్ధ శత్రుత్వమా??
భూగర్భాన నెలవై యున్న ఖనిజ –
ఐశ్వర్యాలను స్వార్ధాన కొల్లగొడుతున్న-
మా మనుజజాతిపై నీకు క్రోధమా?
అందుకే ఇట్లు దండింతువా?…..?
నరకాసురుని ‘సత్యాదేవి’ వై
వధించిన యట్లు నీవునూ…
దుష్టసంతతిని నిగ్రహించగనెంచి-
ఈ ఘోరప్రమాదమును కల్పించితివా?
జరగినది వెనుతిరిగి పోదుగాని…
నీవు త్వరలో స్వస్థతనొంది…
శాంతిరూప సంస్థితవై…
సంతుష్టాంతరంగవై….
అనురాగ స్రవంతివై…
మమ్ములను…మా తప్పులను,
క్షమియించి , దయచూపి వేవేగ-
కరుణతో కాపాడుము భువనేశ్వరీ
కన్నతల్లి , కల్పవల్లి , మురిపాలవెల్లి!!
******
Baavundi amma
హిమబిందు,ఝాన్సీ గార్లకు నా ధన్యవాదములు.
చాలా బాగుంది.
చాలా గొప్పగా రాసారు హైమవతి గారు, భూమాతను క్షమాపణ కోరాల్సిందే అందరం
నేపాల్- ఇంకా కొన్ని చోట్ల సంభవించిన ” భూకంపం” నామనస్సుని బాధించింది . అప్పుడు నాలో వెలువడిన భావాలివి . వాటిని కవితా రూపం ఇచ్చానంతే! ప్రచురించిన జ్యోతిగారికి చాలా ధన్యవాదములు .