మాలిక పత్రిక

                                                   అహమదుల్లా అహ్మద్

 

వసంతకాలపు కోయిల పిలుపులకు

ప్రకృతి లోని అణువణువు

పరవశముతో పులకించి ఆడును

కూచిపూడీ భరతనాట్యాలు

 

వసంతమే కాకపోయినా నా చెలి నవ్వుల్లో

నిత్యం దాగున్నవి స్వేఛ్ఛగా విహరించే

విహంగ పక్షుల కిల కిల రవాలు సప్త వర్ణ

స్వర సరిగమల శిరిమువ్వల హరివిల్లు

 

వేకువలో వెల్లువెత్తు కర్మసాక్షి కిరణాలు

వేయి జన్మల బాంధవ్య ప్రేమావేశ సోయగాలు

విరించి తలపులు తొలి రూపు సమీరాలు

విపంచి విరజల్లు మధురామృత సంగీతాలు

 

శృతి లయల వీణానాద తరంగ గీతాలు

ఆంతరంగమై యద లో నిండైన ప్రాణ వాహిని

ప్రణయ భావాలు పలుదిక్కులు సాక్షాలై అందెను

మన ప్రేమకు జీవిత కాలపు ఆశిస్సులు