రచన: మల్లిన నరసింహారావు
ఇది అక్షర శబ్ద భవము. కన్నడంలో ఈ ఛందస్సుకు అక్షర అని పేరు. తెలుగులో అక్కర లన్నారు. జానపద గీతాలలో వలె ప్రతి గణము నొకమారు విచ్ఛేదము ఉండునని “ పాదే పాదే ప్రతి గణ మపి యతి ర్లక్ష్యతే సర్వేషాం మక్షరాణాంచ” అని చెప్పుటచే ఇవి జానపద గీత జన్యములని తెలియు చున్నది. అక్కరలలో చంద్ర గణముల ఉపయోగముండును ( మధ్యాక్కరలో తప్ప). ఇవి చాలా ప్రాచీనమైన శాసన సాహిత్యములో సహితము లభించుచున్నవి. యుద్ధమల్లుని బెజవాడ శాసనములో (క్రీ.శ. 898-934) మధ్యాక్కర, వెంకయ చోడుని దొంగలసాని శాసనములో (క్రీ.శ. 991) మహాక్కర లభించుచున్నవి. కన్నడాంధ్రములు ఏకభాషగా ఉన్న కాలము నుండే అక్కర ఛందస్సు లుండి యుండును.
మహాక్కర, మధ్యాక్కర, మధురాక్కర, అంతరాక్కర, అల్పాక్కర అని ఇవి 5 విధములు. వరుసగా 7,6,5,4,3 గణము లొక్కొక్క దానికి పాద పాదమున కుండును.
ఒక్కో పాదమునకు సూర్య ఇంద్ర చంద్ర మొత్తము గణములు యతి
1. మహాక్కర 1 5 1 7 4గ. మీద
2. మధురాక్కర 1 3 1 5 3గ. మీద
3. అంతరాక్కర 1 2 1 4 3గ. చివరి అక్షరం
4. అల్పాక్కర – 2 1 3 2గ. మీద
5. మధ్యాక్కర 2ఇంద్ర 1 సూర్య 2 ఇంద్ర 1 సూర్య 6 3గ. మీద
1. మహాక్కర : 1 సూ. గ + 5 ఇం.గ.+1 చం.గ = 7 గణములు పాదమునకు. యతి 4 గణముమీద. ప్రాస ఉండును. ఇట్లు 4 పాదములు వ్రాసినచో మహాక్కర అగును. దీనిని ప్రాచీన తెలుగు కవులెవ్వరును వాడలేదు.
హ త త నల సల సల నహ
UI UUI UUI IIII IIUI IIUI IIIUI
వారి జాప్తుండు పంచేంద్ర గణములు వనజారి యునుగూడి వెలయుచుండ
2. మధ్యాక్కర : అక్కరల వరుసలో రెండవది. మధ్యాక్కర అని పేరు. మధ్యలోకి విరిచిన సమద్విఖండన
లక్షణము గలది గనుక మధ్యాక్కర అని పేరు. నన్నయ, ఎర్రన వాడినారు. తక్కిన కవులు వాడలేదు. విశ్వనాథ మధ్యాక్కరలు తెలుగునాట ప్రసిద్ధములు.
2 ఇం.గ. +1 సూ.గ. 2 ఇం.గ.+ 1 సూ.గ. = మొత్తం 6 గణములు. 3వ గణము పై యతి.ప్రాస ఉండును.
4 పాదములు ఇట్లే వ్రాయ వలయును. నన్నయ 4 గణముల పై అంటే 5వ గణాద్యక్షరమును యతిగా పాటించాడు. ఎర్రన చతుర్థ గణాద్యక్షరమును యతిగా పాటించాడు. ఎర్రన యతి గేయ ఛందో వైఖరికి సన్నిహితము.
ఇం ఇం సూ ఇం ఇం సూ
భ ర హ ర భ న
UII UIU UI UIU UII III
ఈపురు షుండు నీ స్త్రీయు నిద్దరే యింతియుఁ బతియు.
3.మధురాక్కర : పాదమునకు 1 సూ.గ. + 3 ఇం.గ.+ 1 చం.గ. = మొత్తము 5 గణములు. 3 గణముల పై యతి. ప్రాస కలదు.
సూ ఇం ఇం ఇం చం
న సల త భ నగగ
III IIUI UUI UII IIIUU
తనర జనకుండు నన్నప్ర దాతయు నుభయత్రాత
న సల సల నల నవ
III IIUI IIUI IIII IIIUI
యును న నఁగ నింతు లకు మువ్వురొ గినగుగు రువులు వీర
న సల నల ర రల
III IIUI IIII UIU UIUI
లనఘ నుపనేత మఱియుని రంత రా ధ్యాపకుండు
న నల త సల నలల
III IIII UUI IIUI IIIII
ననఁగ బురుషున కి య్యేవు రనఁయంబు ను గురువులు.
4.అంతరాక్కర : 1 సూ.గ.+ 2 ఇం.గ.+ 1 చం.గ = 4 గణములు. తృతీయ గణాంత్యాక్షరము యతి. ప్రాస కలదు.
సూ ఇం ఇం చం
న భ ర నహ
III UII UIU IIIUI
ఇను డొ కండును నింద్రు లి ద్దరును నొక్క
న భ ర నహ
III UII UIU IIIUI
వనజ వై రియు గూడి వై భవ మొనర్ప
న భ ర నహ
III UII UIU IIIUI
గనక వస్త్రుని గృత్త కై టభుని గొల్తు
న భ ర నల
III UII UIU IIIII
రనుచు జెప్పుదు రంతరా క్కర బుధులు.
దీనికి తేటగీతితో పోలిక కలదు.యతి స్థలము ఒక అక్షరం దాటితే అచ్చంగా తేటగీతే. 5.అల్పాక్కర : 2 ఇం.గ.+ 1చం.గ. =మొత్తము 3 గణములు.2గణములమీద యతి.ప్రాస ఉండును.
ఇం ఇం చం
సల భ నహ
IIUI UII IIIUI
ఒగి నిద్ద రింద్రులు నొకవిధుండు
నగ భ నహ
IIIU UII IIIUI
నెగడు న ల్పాక్కర నియతి తోడ
సల నగ నహ
IIUI IIIU IIIUI
జగతీ ధ రుని పదా బ్జములు గొల్తు
నల ర నహ
IIII UIU IIIUI
రగణిత భక్తి నం చభినుతింప.
తరువాత ద్విపదలను గుఱించి తెలుసుకొందాము.