మాలిక పత్రిక

రచన -ధనలక్ష్మి సైదు

 
బ్రతుకంటే శాంతి కాదు
పోరు అంతకన్నా కాదు..
బ్రతికి చూపించటమే బ్రతుకు ..
అర్దంకాని ఎన్నిటి కలయికో బ్రతుకు ..

ఆయుధాలుంటే మనుగడ సాద్యమే..
అలాగని ఆటవిక కాలానికి పోలేము ..
సమాజానికి బలి కాకుండ బ్రతకాలి
దైర్యాన్ని కూడుకుంటే బ్రతకగలవు 
 
మట్టిలో కలిసే ఆలోచన వద్దు
మట్టితొ కలిసి బ్రతికే ఆలోచన చెయ్యి .
గమనించు అతిచిన్నమట్టిపురుగుకూడ
మట్టితొ చేస్తున్న బ్రతుకుపోరు చూడు

నీపట్ల నిజాయితీగ అంచనా వేసుకో ..
పొయినదేదొ పొందబోయెదేదొ్ తెల్సుకో..
బ్రతకటానికో అవకాశం కనిపిస్తుంది
గుర్తించు స్వీకరించు మళ్ళీ మొదలెట్టు ..

జీవితం ఎలాగున్నా జీవించాల్సిందే …
జీవించి చూపించాల్సిందే ..
ఇష్టంగ కష్టాన్ని దాటెయ్
నవ్వుతు వసంతాన్ని తెచ్చెయ్..
జీవితాన్ని ఇష్టంగ మోసెయ్…