తెలుగులో కొన్ని ప్రసిద్ధ వాక్యాలు భాష ఒక సముద్రం. దూరం నుంచి చూస్తే అది ఒక జలాశయమనిపించినా తరచి చూసిన కొలది అపార నిధులు కనిపిస్తాయి. అది విశాలమైనది, లోతైనది, గంభీరమైనది కూడా. మనకు మన పురాణాల్లో లక్ష్మి, చంద్రుడు, కామధేనువు, కల్పవృక్షము, ఐరావతము, ఉచ్ఛైశ్రవము, రత్నమాణిక్యాలు, ముత్యాలు, పగడాలు ఆఖరుకు అమృతం కూడా సముద్రం నుండి లభించినట్లుగానే చదువుకున్నాం. కనుక భాష అనే సముద్రం నుండి కూడా తరచి చూచిన కొద్దీ అనేక విషయాలు తెలుస్తాయి. […]

విశ్లేషణ: టేకుమళ్ళ వెంకటప్పయ్య జీవుడి ప్రాణాన్ని ఒక పక్షిలా..చిలుకలా..హంసలా భావించి తత్త్వాలు చెప్పడం మనకు చాలా కాలంగా ఉన్న ఆచారమే! ఇది ఒక తత్త్వప్రబోధకమైన కీర్తన. వీటిని తెలుగుదేశంలో తత్త్వాలు అని పొట్టిపేరు గట్టిగా ప్రచారంలో ఉంది. ఐతే ఇప్పటి యువతరానికి ఆమాటకొస్తే జనబాహుళ్యానికి తత్త్వము అంటే అర్ధం తెలియదు తత్త్వాలు అంటే అంతకంటే తెలియదు. అన్నమయ్య ఆత్మ పరమాత్మల గురించి “చిలుక” అనే భావంతో మనకు తత్త్వబోధ చేస్తున్నాడు. కీర్తనలోని యధాతధ అర్ధంకన్నా గూడార్ధాలే ఇందులో […]

రచన: రామా చంద్రమౌళి వృద్ధాశ్రమం కిటికీ అవతల వరండాలో కురిసే వెన్నెల అక్కడక్కడా చెట్లు.. మౌనంగా .. నిశ్శబ్ద శృతి తీగలు తెగిపోయిన తర్వాత రాగాలు చిట్లిపోయినట్టు శబ్ద శకలాలు చిందరవందరగా గోడపై మేకులకు వ్రేలాడ్తూ .. చిత్రపటాలౌతాయి జ్ఞాపకాలూ , కన్నీళ్ళూ , ఎండుటాకుల సవ్వడులుగా అన్నీ .. అడుగుజాడల వెంట మట్టి చాళ్ళలో నీటి జలవలె జారుతూ. . పారుతూ పిడికెడు గుండె వాకిట్లోకి స ర్‌ ర్‌ ర్‌ ర్‌ న .. […]

రచన: ఉమాదేవి కల్వకోట అందమైన ఇల్లది…ఆడంబరంగా జరుగుతోందక్కడ గృహప్రవేశం. విచ్చేసారెందరో అభిమానంగా…ఆహ్వానిస్తున్నారు అతిథులనెంతో ఆదరంగా. అతిథుల కోలాహలం.. యజమానుల ముఖాల్లో ఉల్లాసం. ఇల్లంతా చూపిస్తున్నారందరికీ ఎంతో సంబరంగా. అతిథులు కూర్చునేందుకు ముందొక గది. ఇంటిల్లిపాదీ టీ.వీ.చూస్తూ, సరదాగా కబుర్లు చెప్పుకునేందుకొక పొడవైన గది. అందమైన బల్లతో, కుర్చీలతో అన్నాల గది. ఆధునిక సదుపాయాలతో అందమైన వంటగది. భార్యాభర్తలది పొందికైన పెద్ద పడకగది. ఎప్పుడయినావచ్చే చుట్టాలకొరకు అన్ని సదుపాయాలతో ఉన్న చుట్టాలగది. అయిదేళ్ళ పసిదానికీ ఉందొక ప్రత్యేకమైన గది. […]

రచన: వై.కె.సంధ్యశర్మ ఏమయ్యిందో ఈ మనసుకు ఎంత పిలిచినా పలకడం లేదు రెక్కలొచ్చి ఎగిరే పక్షిలా… పచ్చని చేలకు పంటనవ్వాలని పసిపాపాయి నవ్వులా పాల నురుగలా తేలిపోతోంటుంది ఏమయ్యిందో ఈ మనసుకు ఎంత పిలిచినా పలకడం లేదు కనపడని కన్నీటి ధారకు అడ్డుపడాలని ఆశగా ఆశల నిచ్చెనను ఎరగా వేస్తూ బంధాల తాయిలాలను రుచి చూడమంటోంది! ఏమయిందో ఈ మనసుకు ఎంత పిలిచినా పలకడం లేదు ఆకాశపు పందిరిలోని మెరుపు గీతలను అక్కున చేర్చుకుని చీకటిని చిటికెలో […]

రచన: పారనంది శాంతకుమారి అందంగా నువ్వు పెట్టుకున్నబొట్టును అర్ధాంతరంగా తుడిచివేయ మనటానికి అతనెవడు? అలంకరణకై నువ్వు తొడుక్కున్నగాజులను ఆ క్షణంనుంచి పగలగొట్టటానికి అతనెవడు? పెళ్ళిలోకట్టిన మంగళసూత్రాన్ని పెడమార్గంలో త్రెంచివేయటానికి అతనెవడు? అర్ధంలేని ఆచారాలను అతివపై బలవంతంగా రుద్దటానికి అతనెవడు? మగవాని మోదానికి మూలమైన మగువను మూల కూర్చోమనటానికి అతనెవడు? స్త్రీ ఆహారంపై,ఆహార్యంపై అతిశయంతో ఆంక్షలు పెట్టటానికి అతనెవడు? పడతి పద్దతిపై,ఉద్ధతిపై కరుణలేని కాంక్షలు తెలియచేయటానికి అతనెవడు? వనిత విధానాలపై అతనికున్న హక్కేమిటి? నెలత నినాదాలపై అతనికున్న టెక్కేమిటి? […]

రచన: డా.విజయలక్ష్మీ పండిట్ ”తేజా ఇటురా ఈ వీడియోలో ఇండియా నుండి న్యూయార్క్‌ ఇరవై నిముషాలలో, అని వ్రాసుంది చూడు” ఇది కరెక్టేనా దాదాపు 24 గంటల అమెరికా ప్రయాణమంటే విసుగొస్తుంది. మరి ఈ వీడియోలో అలా ఉందేంటి.. వీడియో మొదటనుండి చూడలేదు. ఇప్పుడే ఐపాడ్‌ ఓపన్‌ చేశాను” అని లక్ష్మి మనవడు తేజస్‌ను పిలిచింది. తనకు టైమ్‌ చిక్కినపుడు మంచి వీడియోలు డాక్యుమెంటరీస్‌, సినిమాలు సెలక్టివ్‌గా చూస్తుంటుంది లక్ష్మి. లక్ష్మి ఎమ్‌.ఎస్‌.సి చదివి బాటని లెక్చరర్‌గా […]

రచన: సి. ఉమాదేవి మనిషి అనగానే మానవత్వానికి చిరునామా అని అర్థం చేసుకోవాల్సిన సమాజంలో మనిషి దొంగ అని కవిత్వీకరించి మనుషులలోని భిన్న స్వభావాలను బహిర్గతపరచి మనసును ఆలోచనలతో కుదిపిన కవి మొవ్వ రామకృష్ణగారు. వంద కవితలు రచించిన కవి తన మనసుననున్న భావాలను అక్షరబద్ధం చేసి సమాజతీరును పారదర్శకం చేసారు. ఆశలపల్లకి కవితలో ప్రతివాడికి ఆశ ఉంటుంది అది అత్యాశ కాకూడదని ప్రతిక్షణం తపన మాత్రమే నాకు మిగిలింది అని చెప్తూ కల్మషంలేని మనసు ఏ […]

రచన: ఉమాభారతి కోసూరి యేడాది తరువాత… ఢిల్లీ మహానగరంలోని ‘రీగల్ లయన్స్ క్లబ్’ వారి ఆవరణ కిక్కిరిసి ఉంది. మిరుమిట్లు గొలిపే జిలుగుల వెలుగులతో నిండి ఉంది ఆడిటోరియం. ‘క్లబ్ వార్షికోత్సవం’ లో భాగంగా ‘ప్రేమికుల రోజు’ – వేలంటైన్స్ డే’ సందర్భంగా “అందాల జంట” కాంటెస్ట్ జరుగుతుంది. ఆఖరి అంశం కూడా ముగిసి, విశ్రాంతి సమయంలో మ్యూజిక్ ప్రోగ్రాం జరుగుతుంది. ప్రతిష్టాత్మకమైన ఆ పోటీలో మాతో పాటుగా పాల్గొన్న యువజంటలన్నీ పోటీ ఫలితాల ప్రకటన కోసం […]