దాదాపు గత రెండు దశాబ్దాలుగా ఎక్కువగా మన్నన పొందిన కవితా రూపం మినీ కవితలు లేదా చిన్న కవితలు . వీటికి పేర్లు ఛందస్సులు కూడా జోడించి కొన్ని ప్రక్రియలు చేస్తున్నారు . ఏది ఏమైనప్పటికి వీటన్నిటికి ఒక తాటి కిందికి తీసుకు వస్తే వాటిని చిన్న కవితలే అనగలం. అలాంటి చిన్న కవితల్లో ఏక వాక్య కవితలుగా , వాటిని ఒక్కచోట చేర్చి శ్రీ వాక్యం అనే పుస్తకాన్ని విడుదల చేసారు. .
“శ్రీ వాక్యం” గురించి : ఇక మనం కవితల్లోకి వెళ్తే , అందమైన వెన్నెల ముద్దను మీ చేతితో తాకినంత మృదువుగా, అల్లరిగా ఆడపిల్ల జడ లాగినంత చిలిపిగా, నల్లని స్వామిని ఆరాధించే రాధగా మీరు మమేకమై చదువుతారు ఈ కవితలు.ఇందులో అతిశయోక్తి లేదు .ఇందులోని కవితలన్నీ దాదాపుగా భావుకాత్మకంగా ఉంటాయి. కొన్ని భక్తి అరాధన, విరహం, మధుర భావాలన్నీ ఈ వాక్యాల్లో మనకు దర్శనమిస్తాయి.
ఈ ఏక వాక్య కవితలు రవీంద్రుని “స్టేబర్డ్స్ “లాంటివని చెప్పినా వాటికి వీటికి చాలా తేడా ఉంది . రవీంద్రుని కవితలు అన్నీ మధుర భక్తితో నిండి ఉంటాయి. శ్రీ వాక్యాలలో ఎక్కువగా వెన్నెల , వలపు , ప్రేమ , విరహం ఇవి మనల్ని ఎక్కువగా ఆకట్టుకునే భావనలు. వెన్నెలన్నా , విరహమన్నా స్పందించని , రాయని కవి ఉండడు అనుకుంటాను ఏ భాషలోనైనా. ఆహ్లాదంగా ఆనందంగా అప్పుడప్పుడూ చిలిపి తగవులూ , వేదనలూ , అన్నీ కలిపి బాపు సినిమా లాగా అందంగా సాగుతాయి కవితలన్నీ . మానసిక విశ్రాంతి కోరే పాఠకుడికి చాలా ఆనందిస్తాయి.
ఉదా: అల్లరి జాబిల్లి __వెన్నెలమ్మ పెట్టే వెండి బువ్వల్ని ఆకాశం లో విసిరేస్తూ.
ఈ కవితలో అదే వెన్నెల అదే రేయి కానీ కవి చూసిన భావన వేరు.ప్రకృతి , వెన్నెల, సముద్రం, ఇవన్నీ వాటి పని అవి చేసుకు పోతుంటాయి నిర్మమంగా , మనం మన మనసుల ననుసరించి వాటికి భావాలను ఏర్పరుస్తాము. దీన్నే ఆంగ్లం లో పెర్సోనిఫికేషన్ అంటాము.మాటాడలేని వాటికి మనిషి లాగే ఉండే భావనలు కూర్చి రాయడం.
“గుప్పెడు భావాల కోసం గుండె తెరిచా _భావ సంద్రంలో తడుస్తూ ఉండి పోయా” ఇలా భావుకాత్మకంగా , శృంగార పరంగా సున్నితంగా సాగే ఈ ఏకవాక్య కవితలు ఇలా ఒక పుస్తక రూపంలో రావడం బాగుంది. ఇలా ఏక వాక్యాలు ఒక పుస్తకంగా తేవడం ఇటీవల ఎక్కడ జరగలేదు. ఇందాకే చెప్పానుగా పేరులూ ప్రక్రియలూ వేరు కానీ ఇవన్నీ చిన్న కవితల కోవకే చెందుతాయి.
అక్షరాలు కొన్నైనా భావాలెన్నో అన్నాడో కవి అలా గుప్పెడు అక్షరాల్లో గుండెనిండే భావాలను గుప్పించడం శ్రీ కి బాగా వచ్చును అనిపిస్తుంది.
అతని కవితల్లో నిండిన భావుకత , మంచి అభివ్యక్తి చూస్తే కేవలం ఇలా కొన్ని విషయాలకే పరిమితమై పోవడం. కేవలం వైయుక్తికమైన కవిత్వం రాయడం కాక ఇంకా ఎదిగి ఎదిగి లోకాన్ని పరిశీలించిన నాలుగున్నర పదులు దాటిన వయసులో ఇంకా పరిపక్వమైన సామాజిక అంశాలతో కవిత్వం రాయగలరని నా ఆకాంక్ష . ఎందుకంటే శ్రీ లో సామాజిక స్పృహ లేక పోలేదు కొన్ని అక్కడక్కడా అటువంటి వాక్యాలు కూడా ఉన్నాయి. వ్యక్తిగతంగా కూడా అభ్యుదయం అతని మాటల్లో కొట్టొచ్చి నట్టు కనిపిస్తుంది .
కనుక శ్రీ కవిత్వంలో ఇంకా కవిత్వా పటుత్వ సంపదలు వెల్లివిరియాలని మనస్ఫూర్తిగా ఆశిస్తూ ఆకాంక్షిస్తూ ఆ అక్షరాల్లో అంత చల్లదనమేమిటో_ కలాన్ని శ్రీ గంధంలో ముంచి రాశావా” అన్న కవి మాటలతోనే ముగిస్తున్నాను
ఈ పుస్తకం ప్రతులకోసం : సింధుజ పబ్లికేషన్స్ ,
ఆర్.వి.వి. ఎస్ శ్రీనివాస్ ,
దూర దర్శన కేంద్రం,
శ్యామలా హిల్స్ ,
భోపాల్-462013,
మధ్య ప్రదేశ్,
సెల్ నంబర్ :9425012468.
వారిని సంప్రదించవచ్చు .పుస్తకం వెల 60/-
అభినందనలు శ్రీగారూ.. .. ఇలాగే మీరు ముందుకు వెళ్లాలని కోరుకుంటూ …శ్రీస్వర్ణ
తెలుగు సాహిత్యములో పద్యాలన్నీ సామన్యముగా ఏకవాక్యాలే! ఉదా.
అటజని కాంచె భూమిసురు డంభరచుంబి శిరస్సర జ్ఝరీ
పటల ముహుర్లుముహుర్లఠదభంగ తరంగ మృదంగ నిస్వన
స్ఫుటనటనానుకూల పరిపుల్ల కలాపప కలాపి జాలమున్
కటకచరత్కరేణు కరకంపితసాలము శీతశైలమున్
These beautiful lines are like the ten
to follow in life all the time.
Valuable Information sir… హృదయ పూర్వక శుభాకాంక్షలు
వెన్నెల్లో చందమామను చూస్తూ పొందే హాయిని, అమ్మ చేతి గోరుముద్దలో ఉన్న కమ్మదనాన్ని, ప్రేయసి ప్రియుల చిలిపి అల్లర్లని, రాధాకృష్ణుల ప్రణయ గాధల్ని, భావుకతని, అక్షరాల్లో మృదుత్వాన్ని రంగరించి వ్రాసారా అనిపిస్తుంది శ్రీ వాక్యం చదువుతుంటే…అలసిన మనసు సేద తీరే చక్కటి ఏకవాక్యా సంకలనమే “శ్రీవాక్యం”.. ఇంకా ఎన్నో చక్కటి అంశాలపై పుస్తకాలు వ్రాసి అందరి గుండెల్లో స్థానం సంపాదించుకోవాలని మనస్ఫూర్తిగా కోరుకుంటూ ..శ్రీవల్లి.
“ఏక వాక్యాలు ఒక పుస్తకంగా తేవడం ఇటీవల ఎక్కడ జరగలేదు” అని వ్రాసారు. బహుశః నా ఏక వాక్య కవితల సంపుటి – “వాక్యం రసాత్మకం”ను ఈ వ్యాసకర్త చూడలేదనుకొంటా! తెలుగు సాహిత్యంలో మొట్టమొదటిగా ప్రయోగాత్మకంగా నేను రచించిన ఆ ఏక వాక్య కవితల సంపుటి 2004 లో ప్రచురితమయింది.
వివరాలకు :
http://dracharyaphaneendra.wordpress.com/2009/03/17/%E0%B0%8F%E0%B0%95-%E0%B0%B5%E0%B0%BE%E0%B0%95%E0%B1%8D%E0%B0%AF-%E0%B0%95%E0%B0%B5%E0%B0%BF%E0%B0%A4%E0%B0%B2%E0%B1%81/
ఆ పైన ఆ గ్రంథం ఆంగ్లంలోకి కూడ అనువదింపబడి ఆవిష్కరింపబడింది.
ఆ వివరాలకు :
http://dracharyaphaneendra.wordpress.com/2009/08/15/%E0%B0%86%E0%B0%B5%E0%B0%BF%E0%B0%B7%E0%B1%8D%E0%B0%95%E0%B0%B0%E0%B0%A3-%E0%B0%B8%E0%B0%AD-%E0%B0%B5%E0%B0%BF%E0%B0%B6%E0%B1%87%E0%B0%B7%E0%B0%BE%E0%B0%B2%E0%B1%81/
నైస్ ,,,,,,,,, అభినందనలు శ్రీ ….. ఇంకా మరెన్నో అంశాలు తో ఇంకా రాయాలని కోరుకుంటూ నీకు హృదయ పూర్వక శుభాకాంక్షలు
అభినందనలు శ్రీనివాస్ గారు,..