రచన: డా.బల్లూరిఉమాదేవి.
మేదినందు జూడ మైసూరు సీమలో
మేలుకోటి చెంత పాండవపురాన
జయరామునకు పత్ని వేదవల్లకినీ
కోమలవల్లి తా కూతురయ్యె
నావల్లియే పెరిగి జయలలితయ్యె
కూర్మిపంచుచు తా కన్నవారికచట
చిరుతప్రాయమందె తండ్రి మరణించంగ
చెన్నపురిని చేరె తల్లి యావేదవల్లి
చిత్రసీమలోన కాలూనె జయలలిత
పదునైదు యేడుల ప్రాయమందే
దక్షణాది యందు నగ్రతారలచెంత
నాయిక యై నటించి మన్ననందె
తెలుగు తమిళ కన్నడ భాషలందు
నటియించి మెప్పించె నఖిల ప్రేక్షకులను
పరస్కృతులు బహుమతులంది
చిత్రజగతిని రిడు దేశప్రగతినికోరి
రాజకీయములందు రమణి చేరె
రామచంద్రుడీమె నాదరించుచు
నేర్పి రాజకీయములను
ఎగువసభకంప ఓనమాలటనేర్చి
దేశమునె శాసించు నేతయ్యె త్వరలో
ఆటు పోట్లెదురైన నదరక బెదరక
సాధించి చూపె తనసత్త్వమెల్ల
అలనాటి పాంచాలినా దుశ్శాసనుండు
నవమానంబు చేసె నిండు సభలోన
చట్టసభయందట్టి యవమానమే పొంది
ముఖ్యమంత్రిగానె సభలోన
యడుగిడుదు ననుచు ప్రతిన చేసి
తానునెరవేర్చుకొనియె
ప్రతిపక్షవీరులు ముప్పతిప్పలు పెట్ట
ప్రజానుగ్రహమంది మరల రాజ్యమేలె
ఆడదన్న కాదు అబల యని తాను
సబల యని రూపించె సకల జగతికిని
మేరిమాత వోలె పెళ్ళి కాకున్నను
అభిమానులందరికి అమ్మ తానయ్యె
అక్రందనలమధ్య నశువులనుబాసి
తాదివికేగె అభినేత్రి విప్లవజ్యోతి
కలైమామణికి కడసారి వందనం
జోహారు జోహారు నీకు జోహార్.